La Frontera Mexicana!

 

 

 

 

 

 

 

 

 

 

 

 

 

Heildarvegalengd:     2933 km

Hjólað í dag:                   95 km

Hvert hjólað:            Carlsbad CA - landamæri Mexíkó

Hjólað í heild:             2933 km

 

 La Frontera Mexicana, 2933 kilometers al sur de Vancouver, British Columbia - eða "landamæri Mexíkó, 2933 kílómetrum fyrir sunnan Vancouver, Bresku Kolumbíu. " 

Þetta tókst! Komum að landamærum Mexíkó og Bandaríkjanna núna laust fyrir kvöldmat. Við lögðum upp í þessa ferð þann 3 júní sl frá Vancouver í Kanada. Við vorum í um 6 vikur á leiðinni - tókum frídag á ca 5 daga fresti. Að meðaltali hjóluðum við um 85 km á dag. Þetta var erfitt en gífurlega skemmtilegt - engir tveir dagar voru eins. Hér eru nokkrar staðreyndir:

Lengsta dagleið:    152 km 

Stysta dagleið:        27 km

Hjólað á dag:          Yfirleitt 8-10 tíma með stoppum. Lengst 14 tímar.

Biluðu hjólin?          Aldrei. Tvisvar sprakk á dekki - á sama degi undir lokin.

Gisting?                  Ódýr mótel

Veður:                    Rigning í byrjun. Hiti 15-20C fyrstu vikurnar. Síðan sól og 30C

 

Þessi síðasti dagur hjólaferðarinnar var góður.  Mikið af hjólreiðamönnum í Carlsbad, Encinitas og Solana Beach í morgunsárið - og skiptu þeir hundruðum. Allar baðstrendur voru pakkaðar kl 09 í morgun. Vorum komin til La Jolla í norðurhluta San Diego um hádegisbil og fórum þar meðfram ströndinni. Mikil mannþröng hægði mikið á okkur og við vorum því lengi að fara í gegnum borgina. Fórum í miðborgina og tókum ferju þaðan yfir á Coronado eyju - fallegrar eyju rétt fyrir utan. Þaðan var hjólað á hjólastíg næstu 20 km þar til við komum loks til San Ysidro við landamæri Bandaríkjanna og Mexíkó. Hér er töluð meiri spænska en enska - beint á móti má sjá hæðótta Mexíkó. Landamærin eru vandlega girt af, enda er verið að herða allt erfirlit til muna þessa dagana. Síðast í nótt fannst tómur bátur við strönd Bandaríkjamegin - talið er að 20 Mexíkóar hafi verið í honum og náð að komast inn í landið með ólöglegum hætti. Þetta verður síðasta bloggfærsla okkar - við komum heim á föstudagskvöld. Þökkum öllum þeim sem hafa fylgst með og hafa sent okkur kveðjur á þessum síðum. 

 

 

 

 

 

 

 

 

 

 

 

Athugasemdir

[Agnes (IP-tala skráð) 18.7.2010 kl. 11:11]

Til hamingju, til hamingju, til hamingju!!! Vá, þvílíkur sigur! Og það mikilvægasta - allir heilir :) Búið að vera æðislegt að fylgjast með ykkur, hlakka til að sjá ykkur og heyra sögur við tækifæri. Njótið síðustu daganna í Californiu! :)

[doddi (IP-tala skráð) 18.7.2010 kl. 16:28]

Glæsilegt, til hamingju. Nú er bara hjóla til baka.  Þetta átti að vera fram til baka ekki satt?

kv

Doddi

[Þórunn (IP-tala skráð) 18.7.2010 kl. 17:37]

Húrra!!!! Til hamingju með þennan frábæra árangur kæru hjólagarpar.

Knús og kossar

Þórunn

[Örn elding (IP-tala skráð) 18.7.2010 kl. 20:11]

Búið að vera gaman að fylgjast með ferðum ykkar. -- Örn.

[Steinn (IP-tala skráð) 18.7.2010 kl. 22:36]

Gaman að fá að fylgjast með ykkur í ferðinni. Bíð spenntur eftir að vita hvert næsta ævintýri ykkar verður, kannski frá Kaliforníu til Austurstrandarinnar!!

[Árni Magg (IP-tala skráð) 18.7.2010 kl. 23:35]

Vel gert! Það hefur verið virkilega gaman að fylgjast með ferðum ykkar.

[Súsanna (IP-tala skráð) 19.7.2010 kl. 17:51]

Jibbíí til hamingju með allt saman

[Hildur (IP-tala skráð) 20.7.2010 kl. 19:27]

Til hamingju með þetta ........

Glæsilegt hjá ykkur, hlakka til að fá ykkur heim til Íslands!

[Hlynur (IP-tala skráð) 22.7.2010 kl. 14:22]

Til lukku með áfangann. Frábært hjá ykkur, hlakka til að fá að heyra ferðasöguna. :)

[Eva Harpa (IP-tala skráð) 22.7.2010 kl. 21:35]

Til hamingju að vera komin á leiðarendann.. knús og kossar

[Þröstur Sverrisson (IP-tala skráð) 25.7.2010 kl. 14:59]

Til hamingju með þennan glæsilega 2933 kílómetra hjólatúr. Þetta er örugglega eitthvað til að lifa á :)

Takk fyrir skemmtilegt blogg.
Bestu kveðjur.