Komið til blómaborgarinnar

 

Heildarvegalengd:    2980 km

Hjólað í dag:                104 km

Hvert hjólað:          Valley Ford CA - San Francisco CA

Hjólað í heild:            1869 km

 

Það var óneitanlega góð tilfinning að hjóla yfir Golden Gate brúna til San Francisco klukkan hálf sjö í kvöld, tæpum 10 tímum eftir að við lögðum af stað frá Valley Ford í morgun. Dagurinn skiptist nokkuð í tvennt - fyrri hlutinn var ferðalag um hæðótt sveitahéruð og þrönga vegi meðfram Tomales flóanum fyrir norðan San Francisco. Talsvert hvasst var sem gerði hjólreiðar erfiðari. Lítið var um þorp þessa fyrstu 50 kílómetra. Þetta breyttist þegar við komum til Fairfax. Eftir það var nánst samfelld byggð næstu 40-50 kílómetrana til borgarinnar. Við þræddum litla vegi og héldum okkur frá aðalvegum - fengum þannig að skoða fallega bæi á leiðinni. Ótrúlegur fjöldi hjólreiðamanna var á þessum kafla og voru þeir flestir klæddir eins og atvinnumenn og ekki voru hjólin síðri! Langur hjóla og göngustígur var síðustu 10 km í gegnum Sausalito - sem hlýtur að vera einn fallegasti strandbær Bandaríkjanna. Sjálf Golden Gate brúin var upplifun og þegar komið var yfir var það stórborgin sjálf. Komum upp á mótel á hinu fræga Lombard stræti um kl 19 - og það verður að segjast eins og er að þetta er fyrsta og eina mótelið sem ég hef gist á sem er með sauna klefa í herberginu - ekki bara lítinn plastklefa- heldur alvöru viðarklefa með glerhurðum!!! Set kannski inn myndir af þessu dæmi á morgun. Ætlum að taka 2-3 daga hvíld hér í San Francisco áður en síðasti áfangi ferðarinnar hefst.

 

 

 

 

 

  Við Golden Gate brúna í kvöld

 

 

 

 

 

 

 

 

 

 

  Við fallega krambúð í Stewarts Point

 

 

 

 

 

 

 

 

 

 Fyrir norðan Bodega Bay

 

 

 

Athugasemdir

[sigga systir (IP-tala skráð) 2.7.2010 kl. 09:29]

Til hamingju með þennan áfanga og til hamingju með stórafmælið stóri bróðir. Njóttu dagsins í blómaborginni. Kveðja frá okkur öllum.

[Ella, Loftur, Hildur, Kristján, Halla María og Daníel Ísak! (IP-tala skráð) 2.7.2010 kl. 18:01]

Til hamingju með afmælisdaginn Kalli. Njóttu dagsins, væntanlega á hjóli. Spurning um að fara að gefa út bók sem heitir Kalli á hjólinu en ekki Kalli á þakinu, eða að gera bíómynd :-)

Gangi ykkur öllum áfram vel,

afmæliskveðjur,

Ella, Loftur, Hildur, Kristján, Halla María og Daníel Ísak!