Draumurinn um Kaliforníu

 

Heildarvegalengd:     2980 km

Hjólað í dag:                    91 km

Hvert hjólað:           Gold Beach OR - Crescent City CA

Hjólað í heild:              1210 km

 

Það er eins og að vera kominn í annað land að fara yfir fylkismörkin frá Oregon til Kaliforníu. Ekki vegna þess að Kalifornía sé svo mikið öðruvísi - heldur vegna þess að það er landamæraeftirlit með tilheyrandi hliðum við fylkismörkin!! Það er þó ekki verið að leita að ólöglegum innflytjendum, hryðjuverkamönnum eða öðru slíku heldur landbúnaðarafurðum sem geta falið í sér smithættu. Landamæraverðirnir - eða öllu heldur landbúnaareftirlitið - hleypti okkur í gegn án þess að leita. Við gátum andað léttar með tvær hálfétnar Subway samlokur með miklu grænmeti og einn banana í töskunum. Vonum að landbúnaði í Kaliforníu verði ekki meint af. Kílómetrarnir 91 flugu hjá í dag - ein löng brekka í byrjun dags skammt frá Gold Beach, Oregon en annars þægilegt að hjóla þetta með mikilli og fallegri sjávar- og strandasýn mest alla leiðina. Sól og hiti og þannig er veðurspáin svo langt sem hún nær. Nú er bara að setja upp sólgleraugun og dusta rykið af brimbrettunum - og muna eftir Beach Boys í Ipodnum...

 

 

 

  Helena og strönd Oregon

 

 

 

 

 

 

 

 

 

 

  Og önnur mynd frá Oregon

Athugasemdir

[Hildur (IP-tala skráð) 23.6.2010 kl. 00:39]

Æðislegar myndir af ykkur, sérstaklega þar sem þið eruð með efst hérna á síðunni ykkar. Þið eruð algjörar hetjur, kílómetrarnir halast alveg inn. Frábært afrek, kveðja úr Hlíðarásnum.

[Auður (IP-tala skráð) 24.6.2010 kl. 04:47]

Flottar myndir! Frábært að fá að fylgjast með ykkur. Var hugsað til ykkar þar sem ég horfði á heimildarmynd um Bingó hér í borg - virðist svipaður kúltúr að sumu leiti handan fjalla og landamæra.  Gangi ykkur áfram vel með kílómetrana og brekkurnar.

[Sigrún Erla (IP-tala skráð) 24.6.2010 kl. 10:12]

Ég hló upphátt við lestur síðustu setningarinnar: "Nú er bara að setja upp sólgleraugun og dusta rykið af brimbrettunum - og muna eftir Beach Boys í Ipodnum..." sé Kalla alveg fyrir mér vera að hlusta á Beach Boys í geggjuðum fíling að hjóla :)