Dagur 8 Nú er nóg komið!

 

Heildarvegalengd:  2980 km

Hjólað í dag:              60 km

Hvert hjólað:         Elma WA - Raymond WA

Í heild hjólað:          500 km

 

Það þarf ekki að eyða mörgum orðum á þennan dag. Það rigndi allan daginn og mótvindur alla leið. Síðustu daga hefur stytt upp á milli en því var ekki að heilsa í dag. Rigningin var svo mikil að það var ekki einu sinni hægt að stoppa á leiðinni til að borða eitthvað. Reyndar var nánast engin byggð stóran hluta leiðarinnar þannig að það var úr fáu að velja. Hittum hjólreiðamann á sextugsaldri á leiðinni. Hann var frá Vermont og var á sömu leið og við - frá Vancouver til Mexíkó - hafði skilið fjölskylduna eftir heima og var með sáralítinn farangur. " Þetta er kreditkortaferðalag," sagði hann og meinti að tjaldútilegur væru ekki inni í myndinni. Höfum reyndar hitt nokkra aðra hjólreiðamenn sem eru á sömu leið. Vorum ótrúlega blaut þegar við komum til enn eins örbæjarins - Raymond og fundum mótel þar. Erum reyndar orðin sérfræðingar í bandarískum smábæjum og öllum þeim stórkostlegu hlutum sem þeir hafa upp á að bjóða. Á morgun er spáð breytingu - sólin á að láta sjá sig og það á að hitna yfir 20C. Vonum að það standist. 

 

 

 

Athugasemdir

[Þórunn (IP-tala skráð) 11.6.2010 kl. 10:03]

Bara að láta ykkur vita hvað þið eruð DUGLEG! :-)

Verst að það er ekki hægt að senda rigningu á milli staða frekar en að "lána" einhverjum aukakílóin...

Það mætti rigna meira hér.

Smábæjarknús frá mér

kveðja

Þórunn

[Hlynur Halldórsson (IP-tala skráð) 11.6.2010 kl. 11:42]

Þetta herðir ykkur bara, nei nei vonandi fer veðrið að skána. Gangi ykkur vel, gaman að fylgjast með ykkur.

[Haukur Magg (IP-tala skráð) 12.6.2010 kl. 00:38]

Í svona veðri er betri nýting á búnaði en í sól þar sem allir eru hálf berir. Annars ætlaði ég bara að kvitta fyrir mig ;)

Kv. Haukur magg