Dagur 1 Fimmtudagur 3. júní

 

Heildarvegalengd:  2980 km

Hjólað í dag:               94 km

Hvert hjólað:              Vancouver B.C - Blaine WA

Í heild hjólað:             94 km

 

Þetta tók nokkuð á. Veðrið var fínt, hiti ca 12-16 C og leiðin skemmtileg. Byrjuðum í miðborg Vancouver og þræddum síðan strandlengjuna umhverfis borgina áður en haldið var suður á bóginn. Hjólin reyndust afar vel en hvert okkar er með ca 8-15 kg af farangri. Töfðumst um 1,5 klst um miðjan dag við neðanjarðagöng undir á þar sem bannað var að hjóla. Í staðinn er boðið upp á fríar ferðir með bíl fyrir hjólreiðamenn um göngin -  því miður voru þær aðeins á tveggja tíma fresti og urðum við því að bíða. Kanadamenn eru sérstaklega almennilegir og víða á leiðinni vildi fólk spjalla við okkur og koma með tillögur um hvar best væri að fara. Síðustu 20 kílómetrarnir voru erfiðir þar sem þá þurfti að fara meðfram umferðarþungum hraðbrautum þar sem hávaðinn var mikill. Komum að landamærum Bandaríkjanna um klukkan sjö í kvöld og sem betur fer voru landamæraverðir í óvenju góðu skapi og höfðu mestan áhuga á að spjalla um efnahagsástandið á Íslandi. Rétt við landamærin er smábærinn Blaine og þar komum við á áfangastað rúmum 10 tímum eftir að ferðin hófst í morgun. Sumir voru talsvert þreyttir.... 

 

 

 Lagt af stað frá Vancouver í morgun

 

Athugasemdir

[Agnes (IP-tala skráð) 5.6.2010 kl. 10:30]

flottar mæðgur! :) njótið og skemmtið ykkur sem allra best í ævintýraferðinni!